الألف/ألفت المثايل وبديت=ذكر الله اللي محصي الحي والميت المعتلي علام ماكان كنيت=في ظامري وأدعاني اليوم عمسان ــــــــــــــــــــــــــــــــ الباء/بثني للنبي. والصحابه=حق علينا ذكرهم ينثنابه ولامقصدي من مابدعته طرابه=يعلم بي اللي عالم(ن) كل ماكان ــــــــــــــــــــــــــــــــــ التاء/ترى مايبدع القاف مرتاح=ولايضحك المفجوع حلو التمزاح ولو يبدعه كنه طعام(ن) بلا أملاح=ماله طعم يثر على الحال نقصان ــــــــــــــــــــــــــــــــــ الثاء/ثمان سنين والقلب مفجوع=لاطايع(ن) غيري ولانيب مطيوع أسهر إلى إن الفجر بان بطلوع=متكدر جفني عن النوم سهران ــــــــــــــــــــــــــــــــــ الجيم/جار الوقت والوقت مذموم=ولا صفالي بالهنا منه لو يوم جار الزمان وبدل القوم في القوم=ولا يذكر الأ اللي من المال مليان ــــــــــــــــــــــــــــــــــ الحا/حرار القوم ضاعت مع الناس=الوقت عاداهم وداس الذي داس وطاوع كثير المال لو هو من الأنجاس=وعصى بعض ياناس ذربين الأيمان ــــــــــــــــــــــــــــــــــ الخاء/خوي الطيب ماظن يلقاه=اللي ليا حدك عنا الوقت تنصاه أقفا زمان الطيب وين أنت وياه=فقير ماعندك رصيد(ن) وعمران ــــــــــــــــــــــــــــــــــ الدال/دوابي من عنا الوقت دالوب=كن الغضى في ماسط القلب مشبوب عفت الطعام وعفت أنا كل مشروب=من ذا الزمان اللي جزاني بنكران ـــــــــــــــــــــــــــــــــــ الذاء/ذهب هالوقت ماهوب صافي=ناس(ن) يغرونك بزين اللصافي واليا بحثته بان ماكان خافي= حديد ماله مع هل الجود ميزان ــــــــــــــــــــــــــــــــــ الراء/رفيع النفس بالدين محمود=لو هو فقير يدرك الجود ويجود ولو تطلبه شئ ولاهوب موجود=في منزله يوقف مواقيف ديقان ــــــــــــــــــــــــــــــــــ الزاء/زرعت الطيب والله شاهد=وبالعون ماقصرت في حق واحد أنا أحسب إن الزرع يثمر لحاصد=وأثريه صبخا من زرع فيه خسران ــــــــــــــــــــــــــــــــــ السين/سل عن صاحبك قبل الأسفار=قبل تغرب عن مرابعك لديار كانه عنيد ودايم الدوم عسار=خله ترى مايبصر النور عميان ــــــــــــــــــــــــــــــــــ الشين/شاب الرأس والسن توه=من ذا الزمان اللي فلابه مروه يالله راعي الطيب يالله قوه=على زمان(ن) شيب اليوم شبان ــــــــــــــــــــــــــــــــــ الصاد/صابر والصبر درب الأفراج=وأرجي الذي منه المخاليق ترتاج أنه يفرج لي مع الضيق مخراج=وأجازي الطيب على الطيب بأحسان ــــــــــــــــــــــــــــــــــ الضاد/ضحك الوقت لاتنخدع به=لو هو حلا نومك وزادك وشربه الله من تاجر زمانك غدر به=خلاه عقب المال مايملك غران ـــــــــــــــــــــــــــــــــــ الطاء/طبيب النفس غاية مناها=ولاتسمع اللي عن طريقه نهاها كم نفس ماتت موصلت مبتغاها=أنشد وتلقى اللي نظمناه وكدان ــــــــــــــــــــــــــــــــــ الظا/ظهر خافي ضميري وسجلت=قافي وأنا مبطي عن القاف ماقلت ولانيب خايف بالتماثيل ماعلت=والحق يظهر له شهود وبرهان ــــــــــــــــــــــــــــــــــ العين/عن هرج القفا دوم حذراك=تراك ماتكسب ورا شيله أملاك كم من هروج(ن) قطه الهرج بشراك=وأسبابها من قولة فلان لفلان ــــــــــــــــــــــــــــــــــ الغا/غني النفس ياطيب فاله=يقال له نعمين ياجا مجاله والأردي النفس راعي نذاله=لانافع(ن) نفسه ولاهوب ربحان ـــــــــــــــــــــــــــــــــــ الفا/فعول الطيب ترفع جلالك=ياصرت طيب كل شخص يعنالك ولو مت في وسط المجالس عيالك=لو هم صغار(ن) مايشوفون حقران ـــــــــــــــــــــــــــــــــــ القاف/قلت حيلتي وأجتهادي=في ذا الزمان اللي به الطيب غادي عندك خبر ماكل علم(ن) وكادي=بالناس صدقان(ن) وبالناس كذبان ـــــــــــــــــــــــــــــــــــ الكاف/كم من طاح بالحبس مظلوم=وهو سليم الجوف لاشك متهوم ماقدر المولى على الناس مقسوم=ولا لك على ماقدر الله عصيان ـــــــــــــــــــــــــــــــــــ اللام/لاتبدي على الناس خافيك=ماكل من يضحك بوجهك يدانيك كم من صديق(ن) تحسب أنه مصافيك=وهو خسيس(ن) بالمواجيب خوان ـــــــــــــــــــــــــــــــــــ الميم/مالك عن نصيبك مفرا=إن كنت في جو وبحر(ن) وبرا ماقدر المولى عليك أستقرا=اللي خلق من طينة القاع إنسان ـــــــــــــــــــــــــــــــــــ النون/نوح الطير لاتحسب أنه=غنا طرب يالقرم من زود فنه يمكن معاسير الليالي وطنه=ماكل طير(ن) يزعج الصوت طربان ــــــــــــــــــــــــــــــــــ الها/هني اللي تمسك بدينه=قبل العمر بالغي تقضي سنينه نفسه لصومه ولصلاته فطينه=هذاك له في جنة الخلد مسكان ـــــــــــــــــــــــــــــــــــ الواو/ودي مير ماهو بكيفي=إن العرب تمشي بقلب(ن) نظيفي غنيهم يلطف بحال الضعيفي=حتى تساوى الناس في كل الأوطان ــــــــــــــــــــــــــــــــــ اليا/يعل الله يقبل دعاتي=حيثه عليم بسيتي وحسناتي والخاتمه صلوا كثير الصلاتي=على نبين خاتمن كل الأديان

(اللام) لا..تبدي علا خافيــك ما كـــل من يَضُـحُكِ بّوَجْـُهـكِ يَدِانَيَــكِ كِــمٌ مٌنَ صّدِيَـقًنَ تْحُسِــبّ انَُه مٌصّافَيَـكِ وَُهـوَ ٌخسِيَسِنَ بّالُمٌوَاجْيَبّ ٌخوَانَ